Згодна са шматвяковай традыцыяй, пасля рэзурэкцыйнай святой Імшы, якая звычайна цэлебравалася вельмi рана ў нядзелю, адбывалася цырымонiя асвячэння ежы на святочны стол. Вяртаючыся дадому, сям’я сядала за ўрачыстае снеданне, якое, як i сама ежа, называлася «свячонае».

3 красавіка, у Вялікую пятніцу, якая ўслед за Вялікім чацвяргом працягнула Пасхальны Трыдуум, у гомельскім касцёле Нараджэння Божай Маці дапаможны біскуп Пінскай дыяцэзіі Казімір Велікаселец узначаліў літургію Мукі Пана.

Вечарам у Вялікую пятніцу, 3 красавіка, у мінскім архікатэдральным касцёле Імя Найсвяцейшай Панны Марыі адбылася літургія Мукі Пана. Літургію ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч, у ёй прыняў удзел Апостальскі Нунцый у Беларусі арцыбіскуп Клаўдыё Гуджэроцці і шматлікія вернікі горада.

3 красавіка, у Вялікую пятніцу, у віцебскім катэдральным касцёле Езуса Міласэрнага біскуп Віцебскі Алег Буткевіч узначаліў літургію Мукі Пана. Вялікая пятніца – адзіны дзень, калі не цэлебруецца Эўхарыстыя, у гэты дзень асаблівай задумы і засяроджанасці вернікі разважаюць над мукай і збаўчай смерцю Езуса Хрыста на крыжы.

У Вялікую пятніцу 3 красавіка ў катэдральным касцёле св. Францішка Ксаверыя ў Гродне прайшла літургія Мукі Пана. У гэты дзень Касцёл не цэлебруе Эўхарыстыі, вернікі адаруюць крыж Езуса з усведамленнем уласнага крыжа і гатоўнасцю падняць яго па прыкладзе Збаўцы.

Пасхальны Трыдуум у пінскай катэдры 2 красавіка біскуп Антоні Дзям'янка распачаў, як і ва ўсім Каталіцкім Касцёле, святой Імшой Вячэры Пана, што цэлебравалася на ўспамін устанаўлення двух сакрамэнтаў: Эўхарыстыі і святарства.

У Вялікую суботу вернікі прабываюць каля гробу Пана, разважаючы пра муку і смерць Збаўцы, а асабліва пра Яго сыход у адхлань. У шчырым посце і гарачай малітве вернікі чакаюць Уваскрасення Збаўцы.

З бояззю і вялікай радасцю разам з жанчынамі бяжым абвясціць усяму свету, што магіла пустая. Сёння на нашай дарозе сведчання становіцца сам Хрыстус Уваскрослы і абвяшчае нам велікоднае пасланне: «Не бойцеся. Ідзіце і скажыце Маім братам: няхай ідуць у Галілею, там Мяне ўбачаць».

Пасля сарака дзён пакуты і самакатавання, пасля болю і смутку Вялікай пятніцы, пасля цішыні і задуменнасці Вялікай суботы Касцёл урачыста спявае «Аллелюя» і ў чарговы раз абвяшчае радасную навіну, што наш Пан Езус Хрыстус сапраўды ўваскрос.

Мінскі архікатэдральны касцёл, 3 красавіка 2015 г.

Крыж Хрыста – гэта не канец, але пачатак

Увечары 2 красавіка, у Вялікі чацвер, у віцебскім катэдральным касцёле Езуса Міласэрнага ардынарый дыяцэзіі біскуп Алег Буткевіч узначаліў Імшу Вячэры Пана.

2 красавіка, у Вялікі чацвер, біскуп Гродзенскі Аляксандр Кашкевіч узначаліў Імшу Вячэры Пана ў катэдральным касцёле св. Францішка Ксаверыя ў Гродне. У літургіі ўдзельнічалi духавенства, навучэнцы семінарыі, кансэкраваныя асобы і вернікі Гродна.

У Вялікую пятніцу Касцёл успамінае муку і смерць нашага Збаўцы Езуса Хрыста, таму хрысціяне павінны душою і сэрцам яднацца з Касцёлам у адзначэнні гэтага дня, які з’яўляецца найважнейшым у справе іх адкуплення. Хрысціяне павінны асаблівым чынам разважаць пра муку і смерць Езуса Хрыста, абуджаць у сабе найбольшую любоў да Яго і адчуваць вялікі боль за тое, што нашыя грахі прынеслі Збаўцy столькі пакутаў.

Мінскі архікатэдральны касцёл, 2 красавіка 2015 г.

“Гэта чыніце на Маю памяць” (1 Кар 11, 24)

2 красавіка, у Вялікі чацвер, святары Магілёўшчыны сабраліся разам з дапаможным біскупам Мінска-Магілёўскай архідыяцэзіі Юрыем Касабуцкім на святой Імшы Хрызма, каб падзякаваць Богу за дар святарства.

2 красавіка, у Вялікі чацвер, у катэдральным касцёле ў Гродне адбылася Імша Хрызма, якая з’яўляецца выразам еднасці і супольнасці духавенства дыяцэзіі. Імша Хрызма выяўляе адзінства ўсяго прэзбітэрыя, рассеянага па розных парафіяльных пляцоўках, які стварае адзіную святарскую сям’ю.

У мінскім архікатэдральным касцёле Імя Найсвяцейшай Панны Марыі 2 красавіка адбылася Імша Хрызма, якую ўзначаліў Апостальскі Нунцый у Беларусі арцыбіскуп Клаўдыё Гуджэроцці.

2 красавіка, у Вялікі чацвер, святая Імша Хрызма адбылася ў пінскім катэдральным касцёле Унебаўзяцця Найсвяцейшай Панны Марыі. На Імшы сабраліся святары і кансэкраваныя асобы Брэсцкай акругі і шматлікія вернікі.

Дарагія святары, вочы, рукі, сэрца і душа якіх асаблівым чынам перажывае таямніцу Эўхарыстыі і перадае яе людзям, у Вялікі чацвер — дзень устанаўлення святарства — віншуем вас і дзякуем Богу за вашае пакліканне.

“Менавіта гэта з’яўляецца заклікам таямніцы Вялікай пятніцы – знайсці сэнс свайго крыжа і змясціць яго ў крыжы Хрыста. Гэта збаўчая перспектыва для нас і для церпячага свету”, - адзначае біскуп Пінскі.